SON XƏBƏR
  • 17.03.2016 - 14:20
    Rauf Mirqədirovun azadlıqa ilk açıqlaması -Foto-Video
    Rauf Mirqədirovun azadlıqa ilk açıqlaması -Foto-Video

         Bu gün Bakı Apellyasiya Məhkəməsində jurnalist Rauf Mirqədirovun apellyasiya şikayəti üzrə məhkəmə iclası keçirilib.

    "Qafqazinfo"nun verdiyi xəbərə görə, hakim Abid Abdinbəyovun sədrliyi ilə keçirilən prosesdə qərar elan olunub.

    Ötən iclasda R.Mirqədirovun vəkili Fuad Ağayev onun haqda bəraət verilməsini istəmişdi. Apellyasiya məhkəməsinin bugünkü qərarına əsasən Rauf Mirqədirov şərti azadlığa buraxılıb.

    Qeyd edək ki, R.Mirqədirov 2014-cü il aprel ayında Türkiyədə saxlanılıb. Jurnalist daha sonra Azərbaycana deportasiya olunub. O, Cinayət Məcəlləsinin 274-cü (dövlətə xəyanət) maddəsi ilə ittiham olunub. Bakı Ağır Cinayətlər Məhkəməsinin hökmü ilə jurnalist 6 il müddətinə azadlıqdan məhrum edilib. R.Mirqədirov həmin hökmdən apellyasiya şikayəti verib.

    ***

    Rauf Mirqədirov jurnalistlərə açıqlamasında heç bir ölkəyə məxsus təhlükəsizlik orqanları ilə əməkdaşlıq etmədiyini qeyd edib:

    "Şərti cəza hələ ki, günahsız olduğuma sübut deyil. Bəraət almağa çalışağam. Həbsdə mənə qarşı həmişə çox korrekt davranıblar. Hətta müraciətlərində belə "müəllim" kimi xitab edirdilər. Mən həmişə aktiv həyat sürən bir adam olmuşam, 23 ay təkadamlıq kamerada isə məhbus kimi yaşamışam. Üzərimdə bunun ağırlığı var, ailəmdən ayrılmaq problem idi. Bilirsiz ki, həbsdə olanda atam rəhmətə getdi, bu hadisələr mənə pis təsir etdi. Baş verənləri Allahın sınağı kimi qəbul edirəm. Çox ağır sınaqdır. Allah heç kimi belə sınağa çəkməsin. Bir qədər istirahətdən sonra jurnalist fəaliyyətimi davam etdirəcəm".

    ***

    Rauf Mirqədirovun vəkil Fuad Ağayev “Qafqazinfo”ya açıqlamasında bildirib ki, Mirqədirov hazırda atasının məzarını ziyarətə gedir: "Daha sonra anası ilə evlərinə gedəcək".



    Baxış sayı:
    291
    Müəllif:
    Baku today
    BÜTÜN XƏBƏRLƏR
    Digər xəbərlər

    Günün Fotosu
    İtkinlər
     Diqqət! Məktəbli uşaqlar Bakı metrosunda itirdiklərini axtarırlar

    Valyuta hesablama
    18-12-2017
  • Hesabla
  • bakutoday.az | © 2012 - 2017
    © Müəllif hüquqları qorunur. Məlumatdan istifadə etdikdə istinad
    mütləqdir. Məlumat internet səhifələrində istifadə edildikdə müvafiq
    keçidin qoyulması mütləqdir.

    Paylaşım:
  • HAQQIMIZDA
  • REKLAM
  • ƏLAQƏ


  • Design By
    Site by Javid Sultanov Studio