Türkiyə Azərbaycanın Tehrandakı səfirliyinə hücumu xain hücum sayır

Türkiyənin xarici işlər naziri Mövlud Çavuşoğlu cümə günü Azərbaycanın İrandakı səfirliyinə hücumu pisləyib.

“Can Azərbaycanın Tehran səfirliyinə edilən xain hücumu lənətləyirəm”, - Çavuşoğlu bakıya dəstək olaraq Twitter hesabında yazıb.

Türkiyə KİV-in məlumatına görə, cümə günü Türkiyə və Azərbaycan XİN başçılarlı Mövlud Çavuşoğlu ilə Ceyhun Bayramov arasında telefon danışığı baş tutub. Söhbət zamanı nazirlər Azərbaycanın Tehrandakı səfirliyinə silahlı insidenti müzakirə ediblər.

Öncə Azərbaycan XİN məlumat verib ki, 27 yanvar tarixində Bakı vaxtı ilə səhər saat 8:30 radələrində Azərbaycanın İrandakı səfirliyinə silahlı hücum olub. Hücum edən şəxs kalaşnikov markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir. Hazırda bu xain hücum üzrə araşdırma gedir.